Гӏалгӏайчен Парламента Кубок къовсара шахматий турнир гӏорйоалаш йоагӏа

Опубликовано .

1112221134432

Гӏалгӏайчен Парламента Кубок къовсара шахматий турнирах къамаьл хилар Халкъа Гуллама Председатель волча Йовлой Заьлмахеи Гӏалгӏайчен Шахматий федераце вице-президент волча Гадаборшанаькъан Тимуреи вӏашагӏкхетаре.

Шахматий турнир Гӏалгӏайчен хьалхарча созыва Парламент харжара 24 шу дизарца йийза а республике хӏанз кхозлагӏа дӏахьош а я.

Республика Шахматий федераце хӏара шера чакхйоахача йиъ мероприятех наха эггара дикагӏа тӏаэцачарех я ер турнир, аьнна белгалдир Гадаборшанаькъан Тимура ше къамаьл деш. Цул совгӏа, аьлар цо, хӏара шера дукхагӏа хул цу Парламента Кубок къовсара яхьашка дакъалаца ловш бараш. Дӏадахача шера цу турнире дакъалоацаш 60 саг вар, хӏаьта укх шера дакъалаца заявкаш хьачуеннараш 70-нел совгӏа саг ва, аьлар цо. «Турнире дакъалоацаш хила мег вай лоалахарча регионашкара викалаш, масала аьлча, Нохчий Республикера а Къулбаседа Хӏирийчера а», – аьнна тӏатехар цо.

Ший аргӏагӏа Йовлой Заьлмаха баркал аьлар Тимура мероприяти хьаелла аьнна ше вехарах, шийна цу турнирах хетар а аьлар. «Дог гӏоздоаккхаш хӏама да, – аьлар цо, – Парламента эгида кӏала гӏолла чакхйоалаш йола турнир кагирхошта юкъе хьаькъала спорт йоаржаяр алсамдоаккхаш хилар а из хьаькъале ловзар наха юкъе даржаш хилар а. Сага хьаькъал алсамдоаккх шахматаша, сага уйла кхоллама тӏаерзаю цар. Из спорт кхувшбоагӏарашта юкъе дегӏакхувла езаш хиларах догтийша ва со», – аьлар Заьлмаха ший къамаьл чакхдоаккхаш.

Гӏалгӏайчен Парламент лаьрхӏа я шахматех ловзар республике кхы а шерагӏа дӏадоаржадар хьаллаца.

Шахматий турнир хургья февраль бетта 24-чеи 25-чеи деношка Эбарга-юрта республика шахматий вахара юкъмоттиг йолча «Ади Ахмад» яхача спортклубе.

Турнире котбаьннарашта а призерашта а совгӏаташ лургда Гӏалгӏай Республика Халкъа Гулламе февраль бетта 27-ча дийнахьа – 1994 шера Гӏалгӏайчен хьалхарча созыва Парламент хержача дийнахьа.

131312313578

Символика

Gerb Ingushetii