Гӏишлош хьалъеча сферера административни новкъарленаш дӏаяьхача бакъахьа я

Опубликовано .

Йовлой Заьлмаха тхьамадал а деш чакхъяьлар Гӏалгӏай Республика ялхлагӏча созыва Халкъа Гуллама Совета кховзткъеи бархӏлагӏа заседани. Депутаташ хьежар Гӏалгӏай Республика Халкъа Гулламе хьачукхаьчача республикански законий проекташка а кхыча законодательни инициативашка а.

Экономически политика хьакъехьарча комитето хьатӏайоагӏача пленарни заседане ден повестке юкъеяхийтача бакъахьа хетар шоашта аьнна хьачуелар «Гӏалгӏай Республика доазон тӏа гӏишлош хьалъяра разрешени цаэшаш йола моттигаш белгалъярах» долча Гӏалгӏай Республика Закона хувцамаш чудахьарах долча закона проект. Из проект кийчъяьр я Гӏалгӏай Республика гӏишлони, архитектурани, фусамий-коммунальни боахамеи Министерство. Российски Федераце Президента порученега хьежжа, Российски Федераце Градостроительни кодексо яхар кхоачаш а деш, «Йӏовхал хилийтара системашта, хий хилийтареи хий дӏадахареи системашта подключени яра» йола целевой модель юкъейоалаяра «дорожни карта» кӏийлен тӏа из законопроект кийчъяь хилар белгалдир экономически политика хьакъехьарча комитета председатела заместитель волча Гаданаькъан Ислама. Фусамий-коммунальни боахама сфере частни инвестицеш дукхагӏа тӏаозар духьа цу сфере бизнес лелаяра процедураш йолчарел аттагӏа хилийта еза аьнна хет депутаташта.

Гаданаькъан Исламо дӏахайтар депутаташка, Российски Федераце Градостроительни кодексо Российски Федераце субъекташта бокъо лулга цу субъекташка гӏишлош хьалъяра разрешени цаэша моттигаш шоаш белгалъяха. «Закона проекто ювцараш Гӏалгӏай Республика доазон тӏа кхерамзлен боарам лоха бола йӏовхал хилийтара системаши, хий хилийтареи хий дӏадахареи системаши хьалъе ца еза моттигаш я. Ер закона проект тӏаэцаро торо лургья фусамий-коммунальни боахама сфере частни инвестицеш дукхагӏа тӏаоза а цу сфере бизнес лелаяра процедураш йолчарел дукакха аттагӏа хилийта а», – аьлар Гаданаькъан Ислама.

Халкъа Гуллама аргӏанарча заседане ладувгӏа лерхӏ Гӏалгӏай Республике гӏолларча чурча гӏулакхий Министрага Кава Дмитрийга 2017-ча шера полице баьча балхах лаьца.

Профильни комитет хьатӏаийдеш я полице балхах дола республика бахархой хаттараш.

Аргӏанарча пленарни заседане ден повестке я республикански законий 11 проект, Российски Федераце Президента, Российски Федераце Федеральни Гуллама, Российски Федераце Правительства, Российски Федераце субъектий законодательни гулламий 43 законодательни инициатива.

321111444

133331555

12312134555

Символика

Gerb Ingushetii