Парламента Кубок яккхара къовсам дӏаболабаьб Гӏалгӏайчен дикагӏча шахматисташа

Опубликовано .

5454544444

«Ади-Ахмад» спортклубе тахан дӏайолаелар Гӏалгӏайчен Халкъа Гулламо вӏашагӏъелла республикански шахматни турнир. Яхьаш хетаяьй республика Халкъа Гуллама хьалхара состав хержа 24 шу дизара. Хӏанз кхозалагӏа дӏахьош йолча турнире дакъалоацаш 70-нел совггӏа шахматист ва. Уж ба отборочни турашка котбайннараш. Турнира доакъашхошка а хьаьшашка а ше моаршал хоатташ Гӏалгӏайчен Халкъа Гуллама Председатель волча Йовлой Заьлмаха белгалдир: «Халкъа Гуллама Кубок къувсаш яхьаш чакхъяхар дика традици а хинна дӏаэттад. Из Кубок яккха гӏертараш шерагара шерага дукхагӏа хилар тха дог гӏоздоахаш хӏама да. Къаьстта дика хет тхона цу спортсменашта юкъе дукха кагий нах а школьникаш а хилар. Шахматаша дегӏакхувлаш алсам ма доахий берий хьаькъал».

Цо баркал аьлар Гӏалгӏайчен шахматий федерацен вице-президент волча Гадаборшанаькъан Тимура турнир дика вӏашагӏйоллар бахьан долаш а шоай дикагӏдола ловзар гойта доакъашхошта торо лургйола хьалаш вӏаштӏехьдахар бахьан долаш а.

Эттача традицегӏа, турнир дӏайолайир Парламента Председателеи дӏадахача шера котваьннача Дебзиев Джабраилеи. Еррига ийс тур хургья, хӏаьта тӏеххьара тур кӏирандийнахьа, февраль бетта 25-ча дийнахьа хургья. Котало яьккхарашта баллаш тергья, хӏаьта дикагӏболча шахматистий торо хургья укх шера финальни турнире Инаркъанаькъан Эрнесто кубок къовсаш ловза.

Ховш да уйла дикагӏа ер, логика гойтар, ше еча хода кӏоаргга уйла ер котвоалилга  шахматни улга тӏа.

Парламента Председатела ловца баьккхар берригача доакъашхошта, сакъердаме пайдане партеш хийла шун, сенна ю цаховш ходаш ма йойла оаш, де хӏама доацаш ма дусалда шо шахматни улга тӏа, аьнна. Эггара дикагӏа гойтамаш даьха спортсменаш сийдеш безбергба Гӏалгӏайчен Халкъа Гулламе. Котбаьннарашта совгӏаташ далар хургда февраль бетта 27-ча дийнахьа – 24 шу хьалха цу дийнахьа хилар Гӏалгӏайчен исторе хьалхарча Парламента хоржамаш. Дикагӏча шахматисташта дипломаш а ахчан совгӏаташ а лургда.

13322221123

43432222

4534222224

Символика

Gerb Ingushetii