Т1ой юрта бахача нахаца парламентарий хинна в1ашаг1кхетар

Опубликовано .

123123122223

Г1алг1ай мехка Наьсара района Т1ой юртарча меттигерча депутаташца в1ашаг1акхетар хилар тахан Г1алг1ай мехка Халкъа Гуллама депутатий. Т1ой юртарча боккхаг1а болча наьха Парламента спикерца Евлой Заьлмаханаца къаьст-къаьста нах т1а а эцаш болх беча даьча къамаьла чаккхе яр меттигерча депутаташца а юртарча цхьацца долчоа-доацча хьалхабувлаш лелача а нахаца хинна къамаьл.
Парламента массехк комитета доакъашхой бола Арчакханаькъан 1ийса, Ахильганаькъан Сейт-Салам, Оздой Заьлмаха юкъебоаг1а, юрта кхаьча депутатий тоаба спикера т1адаларца вице-спикер вола Светличный Василий кертеволаш яр. Юртарча наьха ц1ерах оалар олаш барашта къувлараш ше-шийна ц1а деш волчоа доаг1аш дола лаьттан доакъош хилийтар а ара д1алехка доахан дажаргдола доакъош белгалдар а да. Орджоникидзе ц1ераг1а йолча юртабоахама предприяте-ГУПа деш-дуташ дар а да юртарча наьха сагото йолаш.
Муниципальни образоване депутаташ нах бахача метте динза ца доалараш дувцача а деча а дукхаг1а дакъа хилар а цар шоаш деш-дуташ дараш наха делга-дуталга ховш дир а лов иштта. Юрта администраци бахача нахаца дага а йолаш дер деча метте аьттув дикаг1а болаш хилар гуш дале а, шоаш де дезар фуд ховш а шоай декхараш кхоачашдеш а бац депутаташ берригаш а. Дика хьокхам бар, массава ара а ваьнна, д1аяьккха юрта йистере бокъо йоацаш хьахинна нувхаш д1акхувса меттиг, дуккха хана денз фо б1ехьдеш хинна.
Гулбаннараш дийцар терко йоацаш дусарг ца хилар а хьажавезар хьажа везчунга хьожаргхилар бакъ долга а аьлар Светиличный В. Нагахь эше, цу дийцачун хьаькхе Правительствага а къаьст-къаьстача министерствашка а бе беза хоам д1абергба а аьлар. Юртахошта къувлаш дарий хьаькъехьа шоашта дулалуш дараш деча, шоаш юстара хургбац аьлар Халкъа Гуллама депутаташ, цхьабакъда юртахой шоаш а ба цу юкъе дукхаг1а дакъа хила декхара. «Юрта эшаш дараш хиннадалар цу юрта бахача нахах а да тийша», - аьлар в1ашаг1кхетар чакхдолаш вице-спикера.
Вице-спикера яхачох, кхыча муниципальни образованешка а хургдолаш да Т1ой юрта хиннараш мо дола в1ашаг1кхетараш.

23112323123

321141231234

422141211234

Символика

Gerb Ingushetii