Экажкъонгий юрта «Единая Россия. Направление 2026» оалача дискуссе к1ийленаш т1а ваха хиннав Йовлой Заьлмаха

Опубликовано .

IMG 0769 21 04 18 03 57

«Единая Россия. Направление 2026» оалача дискуссе к1ийлений меттигера этап чаккхъяьний тахан Г1алг1ай мехка. Республика муниципальни образований ц1ерах бола нах хилар тахан Экажкъонгий юрта Культура Ц1аг1а в1ашаг1кхийтта. Магас, Назрань городашкара а Наьсара, Дж1айрах районашкара а баьхкача цхьан партех болча наха Федеральни Собранега Президента Путина Владимара даьча Кхайкарала хоадамаш чакхдахара хьаькъе дийцар.

Гулбаннараш кхаь даькъа бекъабалар.

Депутат Чуранаькъан Мустафа хьалхале лелаеш болчар юкъарча а юкъерча а дешара, хьехара дикал тоаяра а хьехархочун профессе хам айбара а хьакъе дувцар дувцача юкъа, кхычахьа в1ашаг1акхийттараш дийцар нах бахача меттигий хьал дикаг1ча оаг1орахьа мишта тоадергда яхаш дар. «Нах бахача меттигашка сапарг1атон хьал кхоллара йола» Россе Минстроя лоархаме проект кхоачашъеча наькъашца 2017 шера Г1алг1ай Мехка 44 ковна-карта а 13 юкъарча меттига а даькът1е тоаяьй. Укх шера цу проекта яхар кхоачадергда кхы а массехк городий а юртий а доакъош т1а. Е х1анз додар а долаш долча ялх шера аьле, шозза х1аьта а ца г1улакха хьожадаь дола рузкъа ай а дий, городий а кхыча нах бахача меттигий а дег1аахар къаьстта теркал а деш Россе ший масса оаг1онца шерра тоаялара Программа йоаржае аьнна Федерльни Собранега даьча Кхайкарал т1а Президента аьннар хьоадир укхаза дувцар дувца в1ашаг1кхийттарий модератор хиннача депутата Хамхой Батыра. Белхарой Яхья модератор волаш хиннача кхоалаг1ча к1ийлен т1а в1ашаг1кийттарий къамаьл экологе, совдарий утилизаце, молача хина дикала, дер ц1ендеш ярий балха хьакъе дар. Бахача наьха унахц1ено боккъонца экологе хьалах тийша я йоах эксперташ. Укхаза в1ашаг1кхийттача наха хетачох т1еххьарча шерашка дукха медицински учрежденеш хьаяьй, т1аккха х1анза дукхаг1а терко т1аяхийта езар лазарий профилактика я, доацаш долча лазарий, кхайкора, ВИЧ къаьстта терко а еш, дер деча коммерчески йоаца организацеш юкъеозаш а. Парламента Спикера цу кхоккха а к1ийлен т1а хила в1ашт1ехьа даьлар. Корта а болаш къамаьл даьча цу кхаьннахьа а даханза ца доала цхьацца кхоачамбоацараш къоаггадаь гучадаьха ца 1еш, уж кхоачамбоацараш д1адаха де дезараш хьахьокха а в1ашт1ехьадаьлар, аьлар цо.

Дискуссе к1ийленаш т1а болх беш дийца а дийца оттадаьраш, апрель бетта 24 дийнахь хулача парте регионерча дискуссе д1адовзийтаргда аьлар Йовлой Заьлмаха хаддаш.

IMG 0775 21 04 18 03 57

Символика

Gerb Ingushetii