«Лом паччахь» проекта кхоллама группа могаяьй Йовлой Заьлмаха

Опубликовано .

860A0003

Парламента спикера Йовлой Заьлмаха дешара а, культура а, дина организацешцарча бувзамий а комитета председателаца Амринаькъан Маремаца цхьана Дисней студе ц1ихеза мульфильм г1алг1ай метта даьккхача кагийча наьха инициативни группаца в1ашаг1кхетар хилар. Хьабийхарашта юкъе мульфильма керттера персонажаш оалар меттага даьккха кагий нах бар. Берригаш а проекта юкъе эзараш ткъаннел сов саг ва. Республика кинотеатрашка дубляж яь мульфильм май бетта хьалхарча дийнахь хьахьекхад. Проекта кулгалхо культурни-просветительски центра «Эздел» сотрудник Ведажнаькъан Анзор ва. Цо яхачох мульфильм г1алг1ай метта д1аяздеш доккха новкъостал цунна даьр къоаршой-балкхарой кагийнаьха дег1аахара г1одеча Фонда «Эльбрусоид» дубляжа режиссер Атмураев Расул ва.

Бувца болх баьчар яхар, керттера а царна дагадоаллар – г1алг1ай мотт берашта а кагийча наха йикъе а оттийтар да. «Паччахь лом» дуккха дувцаш хилар сов, хьехам луш а фильм да, цудухьа харжад из хоржаш.

Технически директора Бесанаькъан Хьабибулас яхачох е болх беча оалар меттага доаккхаш дакъа лаьцараш, цу тайпа бола поалхам бовзаш а актерий говзалаш йолаш а нах бац. Цхьаккха а тайпа шоашта лучох аьнна доацаш болх баь нах ба уж кхоллама уйлаш д1ачакхйоахача д1акъаьлацараш, балха юкъе дола ашарий доакъош д1адехьа г1алг1ай эстрада артисташ а т1ехь.

Парламента спикера, региона кулгалхош г1алг1ай метта йоккха терко еш хилар белгала а деш, баркал аьлар бувцаш бола болх баьча командана.

«Т1ехьа т1ахулача т1ехьенашта цунца чам а болийташ, г1алг1ай мотт лоаттабеча дакъа лоацараш да шо. Къам мела долча къаман керттера белгало мотт я. Ший мотт харца мара дац саго ше цу къамах ларх1ар ца ларх1ар. Вай мотт лоаттабе а боаржабе а де дезар цхьана хьа а деш д1адаха деза вай», - аьлар Йовлой Заьлмаха.  

Парламента спикера Г1Р Халкъа Гуллама Баркал д1акхайкадар Бесанаькъан Хьабибулайна, Матенаькъан Илеза, Местой Хьасана, Тоачанаькъан Мухьаммада, Терхой Илеза, Коазой Рашида. Иштта д1аха д1адаха аьттув хилба шун аьлар цо царга.

Укх в1ашаг1кхетаре, духхьал баьча балхах а кагийча наьха баьннача аьттох а дийца ца 1еш, цхьацца г1алг1ай метта хьаькъе къувлараш дувца а йиш хулийташ меттиг хилар. Гулбаннарашта хетачох, новкъа дале а, г1алг1ай мотт 1омабара дола х1ама дикка лаьг1даннад. Бераш российски а арахьара а ц1ихезача мультикашка хьежа ма хьежий, х1аьта боккхаг1барий цу х1аман в1алла хила еза уйла яц, царна-м шоай мотт бицлургбацар яхаш.

Къилбаседакавказерча къамех бола нах дикка корзаг1абаьха а эг1азбига а къамий метташ 1омадара болх ло1амерча хьал т1а хила деза яха Паччахьалкхен Думе ювца оттаяь законопрект а хьоаяр гулбеннараш. Вовзаш вола Тоачанаькъан Мухьаммад а ва шоай меттаца дола х1ама наьха боча а деза а лоаттадергдола редационни коллеги ца хилар нийсса ца хеташ.

В1ашаг1акхетар дерзадеш Правительства, культурни-просветительски центра «Эздел», д1аха ме бола цхьацца дувцачох ала бараш гул а бий г1алг1ай мотт лоаттабара хьакъе хетаяь профильни комитета йоккха заседани йойла аьлар Халкъа Гуллама Парламента Председатела Амринаькъан Маремага.

860A0006

860A9994

860A0039

Символика

Gerb Ingushetii