Йовлой Заьлмахас даькъалбийцар радио болхлой цар профессиональни цӏейца

Опубликовано .

3333222222211111444

Тахан дездеш да радион Дерригдунен ди. Из ди февраль бетта 13-ча дийнахьа дезде лаьрхӏар ЮНЕСКО оалача организаце 2011-ча шера. Из ди хьахаржар ший маӏан долаш да: 1946-ча шера февраль бетта 13-ча дийнахьа болх бе йолаелар «ООН-а радио».

Цу дийнахьа дукха хоза къамаьлаш хоз радио болхлошта. Иштта гӏалгӏай парламента спикер волча Йовлой Заьлмаха а «Гӏалгӏайче» яхача къаман радио болхлошта ловца боаккхаш дӏадоладир тахан ший ди. Ше балха водаш новкъара телефон а теха радио дийнача эфире гӏолла баркал аьлар цо царна, шоай болх цар дика беш хилар белгал а деш. Йовлой Заьлмаха белгалдир радио таханарча дийнахьа вай вахаре чӏоагӏа лоархӏам болаш хилар. Радиос торо лу информаци сихха нахага дӏакхоачае, дунен тӏа доаллар дӏадовзийта, е ладувгӏарашта сакъердам бе. Ше дунен чу яьлача денз наха езаш тӏаэцаш я радио, цунцара наьха безам вӏалла лаьгӏлуш бац.

Укх дунен тӏа доаллар телевизор чугӏолла а интернете гӏолла а ха торо я тахан хӏарачун, цхьабакъда, царна маганзар вайна дика йовзаш а езаш а йола радио юстаръяккха. Цунна новкъа дац доазонаш, цунна эшац дукха мах бола техника. Радиос торо лу таханара сообщество хьакхоллача.

«Во хоамаш ма хилда шун эфире а шун вахаре а. Наха хьалхашкара шоай бехктокхам бовза а бовзаш, цӏенча дега тӏара шоай декхар кхоачашде вӏаштӏехьдалда шун», – аьнна ловца баьккхар радио болхлошта Халкъа Гуллама Председатель волча Йовлой Заьлмаха.

Белгалдаьккхача бакъахьа хет ше балха тӏара мукъа волча хана Йовлой Заьлмах «Гӏалгӏайче» радиога ладувгӏа ловш хилар.

«Гӏалгӏайче» радио – из информационно-музыкальни радиостанци я, FM 88,0 частоте гӏолла Магасе вещани еш йола. Къамаьл эрсий метталеи гӏалгӏай метталеи ду. «Гӏалгӏайче» яха къаман радио болх бе йолаеннай 2014-ча шера июль бетта 31-ча дийнахьа.

Символика

Gerb Ingushetii