Ялх юрта тоае еза территореш рейтинга хоржамашца белгалъергья

Опубликовано .

 «Пхьешка паргӏатон моттигаш вӏаштӏехьъяхара» приоритетни проект ӏалашъяра хьакъехьа йолча ведомствай юкъарча комиссе заседани хилар Магасе укх деношка. Цу заседане дийцар 2018-ча шера хьалхарча аргӏагӏа тоае еза юкъара территореш хьахаржара хаттараш.

Заседане дакъалоацаш хилар Гӏалгӏай Республика Халкъа Гуллама Председатель Йовлой Султанхьамида Заьлмахи Гӏалгӏай Республика Правительства Председатела хьалхара заместитель Оздой Ибрахӏама Бахьаудини.

Цигача докладаш йир Гӏалгӏай Республика Мехкдаь Администраце чурча политикан Управлене начальника заместитель волча Угурчанаькъан Рамзанеи, Гӏалгӏай Республика гӏишлони, архитектурани фусама-коммунальни боахамеи Министр волча Чуранаькъан Рашидеи.

Гулбеннарашьта хьалхашка ше къамаьл деш Гӏалгӏай Республика Халкъа Гуллама депутата Хамхой Батыра хоам бир, 2018 шера тоае лаьрхӏача «Пхьешка паргӏатон моттигаш вӏаштӏехьъяхара» проект кхоачашъяра оттаяьча программе чуйоагӏаш 8 муниципальни образовани я, аьнна. Хӏаьта царех ялхне территореш тӏа  (уж я Магӏалбик, Илдарха-пхье, Шолжа-пхье, Магас-пхье, Наьсаре, Гӏажарий-юрт) 2018-ча шера тоае еза юкъара территореш белгалъяхара хоржамаш чакхдаргда. Цигача бахача наьха шоай торо хилар тоае еза территореш шоаш белгалъяха – февраль бетта 9-ча дийнахьа чакхдаьлар цу ялх Гӏалгӏайчен мунипальни образоване лакхе йийцача проекта рамкашка 2018 шера тоае еза территореш белгалъяхара предложенеш хьачуэцар. Масала аьлча, Магасе бахача наха комиссе хьачуелар 3 эзар совггӏа предложени. Праламента Председатель волча Йовлой Заьлмаха яхачох, шоаш бахача моттигах доглазаш бола нах ишттал дукха хиларо гойт, уж юкъара моттигаш тоаяр мел боккха лоархӏам болаш хӏама да. «Уж тоае еза моттигаш хьабелгалйоахача бахача наха дакъалацар гойташ да ӏаьдалаи бахача нахаи юкъера бувзам болаш болга а де дезари дита дезари къоастадеча из бувзам чӏоагӏа гӏо деш болга а», – аьлар Йовлой Заьлмаха.

Февраль бутт чакхбалалехьа кийча хилийта еза дизайн-проекташ, март бетта 1-са дийнахьа денз 15-гӏа ди хьакхаччалца цу макетех шоашта хетар ала торо хургья бахача наьха, хӏаьта царех дикагӏъяраш хьахоржаргья 2018-ча шера март бетта 18-ча дийнахьа.

Парламента спикера белгалдир, уж рейтинга хоржамаш цу дийнахьа чакхдаьхача бакъахьа а аттагӏа а долга. Цу дийнахьа уж тоае еза территореш хьахаржа бахача наьха торо хилийтара а царна из атта хилийтара а мел эшар ӏалашде тӏахьийхар цо муниципальни хьакимаш.

«Наха атта хургда из, март бетта 18-ча дийнахьа кхадж тасса хьабаьхкачарех хӏарачун атта хургда, лоаллахарча помещене дӏачу а ваха, шийна эггара хьалха тоае еза аьнна хета юкъара зона белгалъеш кхадж тасса», – аьнна белгалдир Йовлой Заьлмахо.

Из проект кхоачашъяра вай республикана 2018-ча шера федеральни центра субсиди санна 99 миллиони 300 эзари сом хьожадаьд.

3232321212313444

222222341

11122223311

Символика

Gerb Ingushetii