Йовлой Заьлмах: «Цхьацца гӏа а боаккхаш гӏоргда вай дӏахьалха»

Опубликовано .

12332132112333321

Яндарера наькъаш тоадара а из юрт социальни хьакъехьа дегӏайоалаяра а дешаш дийцар Парламента спикер волча Йовлой Заьлмаха юрта совета депутаташца вӏашагӏкхетаре. Цу вӏашагӏкхетаре дакъалоацаш бар Наьсарен района да Латыранаькъан Исроапали юрта да Паданаькъан Исмаӏали.

Къамаьл дӏадолалуш цар дийцар кӏирандийнахьа чакхдаьннача Россе Президента хоржамех шоашта хетар. Депутаташа белгалдир, шоай юрта хоржамаш дика вӏаштӏехьдаьха хилар. Паччахьалкхен кулгалхо харжара лоархӏам лакха болга ха а ховш, кхадж тасса бокъо йолча юрта бахархоша хьинаре дакъалаьцар хоржамашка. «Са цӏагӏарча берригача дезалхоша дакъалаьцар хоржамашка. Кхадж тасса бокъо йолаш виъ саг ва уж. Хӏанз ала йиш ма йий из, аз а са дезалхоша а тхой кхадж Путин Владимира дӏабелар, хӏана аьлча, из хьатӏавеначул тӏехьагӏа Росси лархӏа болабелар дунен тӏа, цо низбола паччахьалкхе хьайирвай даьхенах», – аьлар депутата Гӏанажанаькъан Солтмурада. Яндаре хулаш латтача хувцамашка хьежача тоъаргда, федеральни центро Гӏалгӏайченна беш бола теркам бовза, цудухьа вӏалла тамаш а яц, Гӏалгӏайчене бахача наха Путин Владимира кхадж тассар», – аьлар вокх депутата Китенаькъан Бембулата. Юрта имам волча Даурбеков Микаила белгалдир, Россе Президент волча Путин Владимира кхадж ӏочутессача хоржамхоша вай республика Мехкада волча Евкурнаькъан Юнус-Бека дӏахьош йола политика а хьаллоацаш хилар, уж нах цох тешаш хилар.

Март бетта 18-ча дийнахьа Йовлой Заьлмах ше а хилар кхадж тоссаш укх юрта. Цо тешал дир, кхадж тасса нах дукха хьабахкара. Цо яхачох, нах тӏехьа хиларо таро лу Путин Владимира вай паччахьалкхе чӏоагӏъяра, Россе берригача гражданий хьал тоадара тӏаерзаяь ший политика дӏахояхьа. «Цу тӏехьа тессаб вайх хӏаране кхадж», – белгалдир Йовлой Заьлмаха.

Юрта депутаташа дӏаелар республика парламента кулгалхочунга юртахой обращени. Цу каьхата тӏа цар белгалдаьд юрта эггара лоархӏамегӏа дола дешаш, цхьаццадолча наькъаш тӏа асфальт билар а долаш. Парламента спикеро дош делар гулбеннарашта, укх шерара а 2019-ча шерара а республикански программаш вӏаштӏехьйоахача хана Яндарерча бахархой дехарашта къаьстта теркам бе. Йовлой Заьлмаха баркал аьлар юртахошта, шоашта эшараш лечкъа а ца деш дувца уж кийча хилар бахьан долаш, шоашта дулургдар а, бюджета ахчанца мара дулургдоацар а, е кхычахьара ахча вӏаштӏехь а даьккха шоаш де лерхӏар а. «Района а юрта а бюджеташка хьежжа цхьацца гӏа а боаккхаш гӏоргда вай дӏахьалха», – аьлар къамаьл чакхдоалаш Йовлой Заьлмаха.

323211312332

321321321311122333

Символика

Gerb Ingushetii