Парламентареша ладийгӏар республикански Тӏахьожама-счетни палатас баьча балхах йолча отчетага

Опубликовано .

Гӏалгӏай Республика Тӏахьажама-счетни палата председатель волча Белхарой Мустафас Гӏалгӏай Республика Халкъа Гуллама заседане доклад йир ший ведомствас 2017-ча шера баьча балха хьакъехьа. Цо яхачох, цу юкъа ткъо тӏахьожама мероприяти чакхъяьккхай 92 объекте, царех пхиъ – бокъо лораечеи тӏахьожам лелабечеи органашца цхьана.

Белхарой Мустафас яхачох, республикерча организацеша шоай балхаш тӏа хилийта финансови толхамаш дукхагӏча даькъе хьахийцача ахчах хьахула эффект лохига йолаш пайда ийбар да: уж аханел дукхагӏа да. Иштта долаш кхы паччахьалкхен а муниципальни а хьашташ кхоачашдира эша товараш эцача, балхаш а услугаш а ӏалашъеча чакхдувлийта толхамаш а – уж 18,0 % да. Учрежденеша паччахьакхен услугаш кхоачашйира паччахьалкхен декхар оттадира а кхоачашдира а лостам толхабеш моттигаш а нийсъеннай, бухгалтерски учет лелаеча а отчеташ еча а да цхьацца толхамаш, республикански бюджете ахча доаггӏача боарамагӏа хьачу ца доагӏаш моттигаш а я.

2017-ча шера Тӏахьожама-счетни палата болхлоша законопроекташта а нормативни правовой актий проекташта а экспертизаш яьй, заключенеш кийчъяьй.

Иштта республикански бюджет кхоачашъяра тӏахьожам лелабаьб, хӏара квартале из бюджет кхоачашъярах йола информаци Гӏалгӏай Республика Халкъа Гулламе хьачу а телаш.

Белхарой Мустафас хоам бир ше кулгалдеча палатас баьча балхах 33 хьаким дисциплинарни бехктокхаме эзалга, республика бюджете юхахьачуденналга 453 эзар сом. 22 хьакима гӏод техад (180 эзар сом), 6 хьакима замечани яьй, цхьаннена предупреждени хьакхайкаяьй. Прокуратура органашка дӏахьожаяьй 16 материал.

Иштта Тӏахьожама-счетни палата председатела белгалдир шоаш шоай болх Халкъа Гулламца дага а бувлаш баьлга.

Халкъа Гуллама спикер волча Йовлой Заьлмаха белгалдир, Тӏахьожама-счетни палатерча аудитораша беш бола болх чӏоагӏа лоархӏам болаш болга бюджета ахча доаггӏача а пайдане хургдолчча тайпара а дӏадахийтара.

Тӏахьожама-счетни палатас 2017-ча шера баьча балха хьакъехьара доклад тӏачӏоагӏъе аьнна хоадам бир депутаташа.

12332122

2344321

321123124

Символика

Gerb Ingushetii