Къахьегама, балхаш 1алашдира, социальни хьашташ дег1адоаладира волча Министра отчетага ладег1ар депутаташ

Опубликовано .

123131332113

Республикански парламента заседанеш хулача зале Йовлой Заьлмаха ялхлаг1ча созыва Г1Р Халкъа Гуллама ткъаи йийтлаг1а заседани д1аехьар.
Республикански Правительства доакъашхош, т1ахьожам беча органий хьалхалаттараш, министерствий, ведомствий, муниципальни образований болхлош дакъа лаьцар цун балха юкъе.
Йовлой Заьлмаха арг1анара заседани хьайийлар г1алг1ай метта, законотворчески болх бе гулбаннарий болх даькъала бувцаш дош а аьнна.
2017 шера даьчох йолча Г1алг1айчен Республика Къахьегама, балхаш 1алашдира, социальни хьашташ дег1адоаладира йолча Министерства кулгалхочо Котиканаькъан Заьлмаха яьча отчетага ладег1ар депутаташ шоай заседане.
Законодательства оттадаь социальни выплаташ, пособеш, компенсацеш д1ателар кхоачашдеш Г1алг1айчен Минтруда баьча балхах бола хоам бир докладчика.
Котиканаькъан Заьлмаха иштта довзийтар Россе Президента майски указаш республика даькъ т1а кхоачашдира г1улакх а. Путина Владимара бюджетникий алапе хьакъехьа 2017 шера т1адиллар кхоачаш а деш социальни болхлой юкъера алапи 15840,0 сом, регионе долаш долча къахьегама юкъарча доходах 82,3%, хилийтад, чолакх болча наха аьнна балха меттигаш кечъяьй, 277 чолакх вола саг балха оттаваьв.
Балха таьрга хьакъе дар дувцаш министра теркалдир, балха боаца гражданаш д1аязбара х1ама лаьг1даларца дувзаданна дола, т1еххьарча 2 шера динамика дег1аахара г1улакх.
Иштта цо аьлар «2014-2020 шерашка Г1алг1айчен Республике баха нах дечох боахкаш хилийтара г1онна йолча» подпрогграмма наькъашца 2018 шера январ бетта хьалхарча денга кхаччалца лаьрх1ача республике балха боацача нахах 3794 саг балха оттаваьв а 10309 сага профориентаце еча г1о даьд а.
«Программа яхар кхоачаш а деш нах балха меттигашца 1алашбира духьа дерех да лакхарча дешарцара дараш в1ашт1ехьа доахача д1акхохьаш дола балхаш. 2017 шера стажировка хьожаваьв балха бац аьнна д1аязбаь учете латтачарех вола 261 выпускник а стажера цун говзал лакхъяра г1о деш вола 84 наставник а», - аьнна къаьстта теркалдир Котиканаькъан Заьлмаха.
Министра яхачох, «доступная среда» яхача паччахьалкхен программах федеральни а республикански а бюджеташцара чолакхаш а а кхыча т1ах аьнна боацача группачашцарча наьха а керт-керттера йолча объекташцара оаг1ув аттача йоаккхаш массехк мероприяти д1аехьай. Беррига а цу хьаькъе баь болх 21 объекта адаптаци еш баь ба.
Цул сов цхьацца б1арга а лерга а эшамаш долаш болча наха лаьрх1а в1ашаг1ъелла х1а аьннача эшаш дола г1о де ден-бус болх беш бувзама диспетчерски центр я, субтитраш а тифлокомментировани а йолаш кинохьокха кинотеатр да, т1аккха иштта проффесиональни коммуникаце даькъ т1а болх бе кийчбаь эрсий оашхарий метта говзал караерзаяь таржамхой а ба.
Ший къамаьл даьлча Котиканаькъан Заьлмаха профильни комитетете а Парламента электронни почте а республика бахача наха ахийтача хаттарашта жоп делар. Унахц1енено лораеча организацешка аха телача путевкай, чолакха болча наха лаьрх1ача транспорта, чолакх бола нах кхы д1аха балха оттабира, регионе балхазал лохъяра, социальни объекташта паспортизация яра, кхыдарий хьаькъе дар депутаташ хьакхайдаь хаттараш.
Заседане доакъашхошка Минтруда субсидешца 200 эзар соммал материальни г1о дергда цхьацца ши-ший х1ама х1адела г1ерташ болча гражданашта аьлар Министра т1ехьара т1а, шишша саг шеррал йолча хана предпринимателаш балха а отторгволаш. Наькъа ваха-ва таро луш долча билета хьаькъе Министр раьза хилар депутаташ аьннача деша, х1анза кхаь бетта мара лаьрх1а доацача цар бокъо ахшерага кхаччалца хилийта.
Дийцар дерзадеш Г1Р Халкъа Гуллама парламентарий предложенеш а рекомендацеш а юкъе йола ший эца еза постановлени т1аийцар.

23132131231

Символика

Gerb Ingushetii