Сага бокъонаш лоараеча Г1алг1ай мехка долча хьалах отчет йир омбудсмена Оздой Джабраила Парламента арг1анара йоацача заседане

Опубликовано .

12312313

Сага бокъонаш лоараеча Г1алг1ай мехка долча хьалах отчет йир омбудсмена Оздой Джабраила Парламента арг1анара йоацача заседане. 

Ювцача хан чу деррига а Уполномоченнега кхаьчараш 1356 гражданина дехар да, царех 339 каьхата т1а а 1017 багах а да, «горячий лине» телефонаца дола 672 дехар а долаш.
2015-2016 шерашца нийсдича каьхатаца а дагахьа а дола гражданий дехараш ши-ший арг1ах 13% а 9% а дукхаг1а хилар гуш да, Уполномоченне яхачох. Иштта дукхаг1а да «горячий лине» телефона т1а а личний прием йолча хана а хулача дехарий доакъош меттел, цхьацца оалар оалача а дувцар дувцача а къестамаш дира хьалхале Уполномоченнега къаьстта шийга йолча дехарий дакъа а.
Доклада яхачох, республике бахача наьха дукхаг1а дола дехараш гражданий социальни сфере бокъонаш телхаяра хьаькъе да. Шоллаг1ча метте правовой органаш дер дира хьаькъе дола дехараш да. Экономически бокъонаш телхаярах дола леткъамаш кхоалаг1ча метте да.
Уполномоченни хоама яхачох, 2017 шера Уполномоченнега кхаьчача леткъамий географи а хувцаянний: каьхатаца дола леткъамаш дукхаг1а Назране бахача нахагара да - 75,4%, Наьсара район - 69, 4%, Маг1албика район – 52, 15%. Уполномоченнена хетачох, муниципальни образованешка бахача наьха дукхалах а гражданий социальни т1ах аьнна хиларах а тийша хул керттера а из статистика.
Уполномоченне а цун аппарата болхлош а шоай декхараш кхоачаш а деш 2017 шера нах болча д1а а ухаш бе беза къоастам а хоадам а беш меттиг нийсъянний 38.
«2017 шера Уполномоченнега кхьахийтача дехараш д1адехар къоастадеча метте, нагахь дехараш каьхатаца деце массазза а эша консультаци янний, нагахь гражданий бокъо толхаяьй яха дехар каьхата т1а дале толхаяь бокъо меттаоттае г1о а даьд 32% болча гражданашта», - аьлар Оздой Джамбулата.
Омбудсмена йоах, гражданий бокъонаш лораяра а законаца дола хьашташ кхоачашдира а духьа республика паччахьалкхен доала маьженашца, местни самоуправлене доала маьженашца, доала маьжений дер дира долча даькът1арча федеральни подразделенешца, сага бокъонаш лораеча сферашка болх беча обществени организацешца а объединенешца а ца хаддаш бувзам лоаттабу Уполномоченне.
Уполномоченнена хетачох, 2017 шера гражданий социальни а экономически а бокъонаш лораеча, правоохранительни органаш шоай балха юкъе гражданий бокъонаш телхаеча цхьацца иро латтараш къестадеча шеддар в1ашт1ехьадаьннадеце а Г1алг1ай Республике сага а гражданина а бокъонаш а параг1атонаш а лорайирах йолча анализа, нийслуш дола кхоачамбоацараш доккхийчарех да аьнна а хетийтац, сага бокъонаш а парг1атонаш а лораяра йола гарантеш болх беш а я, оалийт.
Парламента Председатела Йовлой Заьлмаха баьча балхах баркал аьлар сага бокъоний Уполномоченнена Оздой Джабраила.
Цул сов отчете хьоадаьча цхьацца ира дарий профильни комитеташ теркам а болба, цу хьаькъе цар де дезар хьа а долда аьлар спикера.
Сага бокъоний Уплолномоченне дийцар дерзадеш Халкъа Гуллама ший эца еза постановлени т1аийцар.

21232122313

321312113

432321311

Символика

Gerb Ingushetii