Г1алг1ачен Республике «Городская среда» яха проект кхоачашъеча 2018 шера 104 млн. сов сом д1адахийта лерх1

Опубликовано .

Г1алг1ачен Республике «Городская среда» яха проект кхоачашъеча 2018 шера 104 млн. сов сом д1адахийта лерх1. 

Из хоам бир «Единая Россия» парте Региональни политсовета заседане Халкъа Гуллама депутата Хамхой Батыра. Политсовета заседани хилар Магасе ИРО секретарь Парламента спикер Йовлой Заьлмаха председател а волаш. Хамхой Б. яхачох 15 ков-карт а 8 юкъара меттиг а тоаеш болх бе лерх1 2018 шера цу проектаца.
Проект кхоачашъеча долча доккхача хувцамех хувцам ларх1а безар, 2017 шера декабр бетта 16 дийнахь т1аицача Российски Федераце Правительства Постановленех 2018 шера хьалхара-хьалха тоае еза юкъара меттигаш кхаж а тоссаш харжа хила езар да. Г1алг1айчен Республике хьалхара-хьалха иштта тоаяра духьа юкъара метигаш хоржаш кхажамаш тассар хиннад 6 муниципальни образоване даькъ т1а: Магас, Назрань, Маг1албике, Карабулак, Шолжа г1ала, Г1ажарий юрт.
Доалар кхажамашка далале, шо шой метте бахача нахага цкъа хьалхаг1а хаттар-алар а даь баьб из болх, беча хана. Е ювцаш йола юкъара меттигаш хоржача юкъе дакъа лаьца нах берригаш а 92 эзар сов саг ва.
«Парте деш дола кхыдараш санна «Городская среда» яха партпроект, горожаний вахаре дикаг1ча оаг1орахьа дола хувцамаш деча дика г1о да, нах бахача меттигий инфрастуктура кердайоаккхача дикка а дакъа да иштта деш дола х1амаш, цудухьа кхы а керда объекташ миштта 1алашъергъяр яха уйла е еза д1аха а», - аьлар деша хоадам беш Йовлой Заьлмаха.

860A1565

860A1546

 

Символика

Gerb Ingushetii