Г1алг1ачен Респулика г1олларча МВД 25 шу даларца денача Российски полице 300 шу далара хетаяь торжественни мероприяти хилар тахан Магасе

Опубликовано .

Г1алг1ачен Респулика г1олларча МВД 25 шу даларца денача Российски полице 300 шу далара хетаяь торжественни мероприяти хилар тахан Магасе. Цу юкъе дакъа лаьцар региона кулгалхочо Евкуранаькъан Юнус-Бика, Халкъа Гуллама Председатела Йовлой Заьлмаха, Г1алг1айчен Республике г1олларча чурча г1улакхий Министра Кава Дмитре, кхыча лоарх1аш болча хьаьшаш.

Бокъонаш лораеча органий сотрудникашта а шоай балха декхараш кхоачашдеш байнача т1емахошта а дег1ача чурта т1а зизаш дахкар гулбаннараш. Республикански чурча г1улакхий Министерства коа бокъонаш лоараеча органий байнача сотрудний гаргарча наьха никъ бир хилар иштта – «Бессмертный полк» яхача акце аналог. Цул т1ехьа Г1Р Халкъа Гуллама Сийлен грамоташца а кхыча совг1аташца а МВД сотрудникаш белгалбаь торжественни заседани хилар.  

Парламента Председатела Йовлой Заьлмаха, ший къамаьла юкъе белгалдир, нагахь дув баарца Даьхе бахьан эшаш хуле са д1адала а сага шийна декхар т1аийца дале, къаман а мехка а г1улакха этта латта цу сага доккха са а боккха низ а эшалга.

Ший къамаьл чакхдоалаш Парламента Председатела могаш-маьрша хилда шо, балха аьттув хилба шуца аьнна ловца баькхар чурча г1улакхий органий болхлошта.

860A8889

860A8771

860A9003

860A9193

Символика

Gerb Ingushetii