Халкъа Гуллама Председатела «ИнгушегионВодоканал» ГУПа болхлошца в1ашаг1кхетар хилар

Опубликовано .

2222123131

Халкъа Гуллама Председатела «ИнгушегионВодоканал» ГУПа болхлошца в1ашаг1кхетар хилар. В1ашаг1кхетаре иштта дакъа лаьцар Г1алг1айчен Правительства Председатела заместитела Ужахьнаькъан Мохьмада. Дийцар керттера а коммунальни служба болхлошта алапи ца телаш этта хьал дар. Массехк бутт баьннаб предприяте болхлошта хьа ца луш алапи соцадаь латта. Тахан предприяте д1абодаш т1ахьожама болх а ба, т1аккха кулгалхо дукха ха йоаццаш балхара декхарех мукъа а валийтав, цхьацца нах бахача меттигашка хий доацаш хьал оттарах Мехка дас критика яь. 

Парламента спикера белгалдир алапи д1а ца луш нислуш йола меттигаш Мехка Даь Евкуранаькъан Юнас-Бика къаьстта терко еш йолга. «Цхьаккха а мегийта йиш йолаш х1ама дац къеззига гоадаь а алапи д1а ца луш гоадар, х1ара а ший ханна д1а ца даннача сомага нах хьежандаь, шоай дезал а болаш бола», - аьлар Йовлой Заьлмаха.
Парламента спикера хетачох, шерра-шера цу тайпа алапе декхараш хьахьерчадеш «ИнгушрегионВодоканал» ГУП хулар ца хилийта ц1енхаштта х1амаш хьа даь даха деза, цкъара сомаца-эппазаца дола уж декхараш мичара доаг1а кхета де а деза т1аккха ерригача предприяте дер дира х1ама тоаде а деза, масса долча даларах-эцарах дола ший декхараш, эггара хьалха алапе декхараш а долаш, цо кхоачашдергдолаш.
Вице премьера Ужахьа-наькъан Мохьмада хих телар телача метте карара кара ахча телаш дар д1адаккха йоах. Карара-кара ахча телар д1адоале, е почтага г1олла е банкоматашка г1олла тергдолаш соцадой, дар-доацар наха дикаг1а гуш хургда аьнна хетт цунна. Цул сов абонентски базацара дар а да дикка лостам бир дехаш. Довш-д1адодаш дола хий мел-д а цу хих луш-эцаш дар миштад-фуд а къаьста дала деза йоах ЖКХ блока т1ахьожам беш волча вице премьера.
Парламента Председатела Йовлой Заьлмаха предприяте лертт1а болх бергболаш а цунна алапецара болхлой декхараш кхоачашде могаргдолаш а масса тайпа де йиш яр Халкъа Гуллама республика Правительстваца цхьана хьадергхиларах тешабир водоканала болхлой.

123123321

3321312313

Символика

Gerb Ingushetii