Ноаной капитала сертификат д1алуш йоаккха ха шозза к1езигъе лерх1

Опубликовано .

860A0738

Г1Р Халкъа Гуллама Председатела Йовлой Заьлмаха х1ара к1ира хулаш йола Парламента Совета заседани даехьар тахан.

Гуйранарча Парламента сессе укх к1ира д1аяьхьа лерх1ача хьалхарча заседане повестка юкъе ехьа законопроекташ а законопроектий инициативаш а ювцарах бола хоам бир Совета доакъашхош.

Ноаной капитала паччахьалкхен сертификат лой д1адалара а ца лой лиц алара а хоадам бира ха лоацйира хьаькъе «Бераш дола дезал паччахьалкхен г1онца кхы т1а а 1алашбирах» дола Федеральни закона юкъе хувцамаш дирах йола законодательни инициатива йийцар Совета заседане парламентареш.

Цу лерх1ама ма1ан, луш дале д1алуш а луш деце лыц оалаш а, ноаной капитала паччахьалкхен сертификат хьаькъе бола хоадам бира ха шозза – биззача беттагара заявлени хьаийцача денз 15 денга кхаччалца - к1езигъяр да.

Дешара а, культура а, дина организацешцарча бувзамий а комитета председатела Амринаькъан Марема теркалдечох, моллаг1а информаци шоай кара йолча доала органаш гражданаш хьачуданначун хьакъе шоаш деш дар деш йола ха к1езигъяр а иштта къаьстта Россе ПФ д1адехар кхоачашдира ха 14 денгара пхе денга кхачалца лоацъяр а теркалду законопроета.  

Цунца цхьана, нагахь санна пхе деннал йолча хана кхача беза хоам кхачанза бале, законопроекта бе безаш бола соцам ца беш соцабе мегаргхилар оттаду: иштта нийсданна х1ама дале беш бола соцам бе йола ха беттага кхаччалца я.

Ала доаг1а, хувцамаш в1ашт1ехьадалар бахьан Россе Пенсионни фонда а кхыча паччахьалкхен структураш а дечоа цифрофой технологеш хьакхаштта юкъе яьлар долга. РФ Пенсиони Фонда Г1Р отделенегара болча хоамах, д1адаьннача шера Г1алг1ай мехка 4 эзар ноаной капитала сертификкат д1аданнад. Специалисташ болча наьха бе беза болх законодательства йиллача хан чу баь баккха в1ашт1ехьадоал, Амринаькъан Марема хетачох, из ха лоацъйича, нахага сертификат д1акхачар сихлургда, т1аккха, ноаной капитал цхьацца нийслуш дола х1амаш даь даха дикка г1о хилча, из х1ама ше боаккхача лоарх1аме да. Геттара а лоарх1ам ба цу х1аман шоай фусамашцара дале а кхыдола далар-эцар токхача дале а дезалашта цох хула пайда бувце.    

Заседане 14 республикански законапроектага а т1аккха иштта РФ Президента, РФ ФС, РФ Правительства, РФ субъектий парламентий 90 сов законодательни инициативага а хьажар парламентареш.

860A0777

860A0771

Символика

Gerb Ingushetii