Г1алг1ай Республика Халкъа Гулламе хувцамаш юкъедихьар 2020 шера а, 2021 а 2022 шерашкарча планови хан-юкъа долча республикански бюджета юкъе

Опубликовано .

Тахан Парламенте д1айихьар, спикера Янданаькъан Мухьмада кулгал а деш, Г1алг1ай Республика Халкъа Гуллама Совета арг1анара йоаца кхетаче.

Парламента Совета кхетаче в1ашаг1ъеллача ден повестке яр, «2020 шера а, 2021 а, 2022 шерашкарча а планови хан-юкъа республикански бюджетах долча» Г1алг1ай Республика Закона хувцамаш юкъедахьарах долча» закона проект.

Г1Р финансай министра декхараш кхоачашдеча Эсмарзнаькъан Мухьмад-Шарипа довзийтар, из законопроект в1ашаг1ъелла хилар, федеральни бюджетере а финансови новкъостал дара а дола ахчаш белгалдаха, иштта бюджета финансировани яра источникашта корректировка яра а.

Доклада т1а белгалдаьккхар, хувцамаш юкъедихьачул т1ехьаг1а 2020 шера бюджет укх тайпара хургдолга: бюджета юкъара пайдай боарамаш хургда 37 334 234,7 эзар сом, бюджета расходий юкъара боарам - 38 075 750,0 эзар сом хургда, бюджета дефицит - 741 515,3 эзар сом хургда.

Финансай Министра декхараш кхоачашдечо белгалдаьккхар, республикански бюджета пайдай дакъа корректировать де лерх1, из совдоаккхаш 8 536 078,3 эзар сома боараме, налогови а налогови доацача а пайдашца. Иштта корректировка е лерх1 республикански бюджета расходни дакъа а совдаккха лерх1 8 761 212,4 эзар сома боараме, республикански бюджетера бюджетни ассигнованеш совъяхар бахьан долаш.

Бюджетни средстваш д1а-хьа хьожадар оттаме хилар дийцача, Г1алг1ай Республика Халкъа Гуллама депутаташа, хоаддамерча дешаре законопроект т1аийцар.

1522355

Символика

Ingushetia Med